udeý çölündäki Nahal-Zoar jülgesinden 2200 ýaşly, artefaktlardan doly piramida binasy tapyldy diýip, Ysraýylyň Gadymy gymmatlyklar müdirligine salgylanýan Daily Mail ýazýar. Binanyň beýikligi 6 metrden gowrak. Takyk ýerleşdirilen bloklardan gurlan Müsür piramidalaryndan tapawutlylykda, bu ýüzlerçe funt (1 funt = 0,45 kg) agramy bolan, elde ýasalan daşlardan gurlupdyr. Bina gadymy Ptolemeýleriň gadymy müsür nesilşalygynyň we Selewkidleriň grek nesilşalygynyň döwründe gurlupdyr. Munuň şeýledigini bu ýerden tapylan Ptolemeýleriň we Selewkidler döwletiniň hökümdary Antioha IV-iň teňňeleri görkezýär. Şeýle hem grek ýazgyly papiruslar, monjuklar, bürünç teňňeler we ýarag esbaplary tapyldy. Piramidanyň maksady näbelli bolup galýar, ýöne alymlaryň birnäçe çaklamasy bar. Barlagçylar munuň söwda ýolundaky mazar, ýadygärlik ýa-da gözegçilik diňi bolmagynyň mümkindigini çaklaýarlar.