Samsung kompaniýasy Günorta Koreýada «Galaxy Certified Used Phones» atly täze maksatnamany işe girizdi. Bu maksatnama boýunça kompaniýa barlaglardan geçen, öň ulanylan Galaxy smartfonlaryny sertifikatlaşdyryp elýeterli bahadan gaýtadan hödürleýär. Kompaniýa mundan ozal «Re-newed» brendi bilen şeýle enjamlary satýardy, ýöne indi bu başlangyjy giňeldýär. Häzirki wagtda maksatnama diňe Galaxy S24 hataryny öz içine alýar, emma geljekde bu sanaw has-da giňeldilip bilner. Enjamlar häzirki zaman talaplaryna doly laýyk gelýär we tiz wagtdan One UI 7 täzelenmesini alar. Ähli smartfonlar doly barlagdan geçirilip, gowy ýagdaýda saklanylýar. Olaryň käbiri 7 günüň dowamynda yzyna gaýtarylan, hiç hili ulanylmadyk telefonlar. Şeýle-de diňe gutusy açylan, düýbünden täze modeller hem bar. Şeýle smartfonlary satyn almak bilen, alyjylar 260 müňden 640 müň koreý wonuna (175-434 dollara) çenli pul tygşytlap bilerler. Smartfonlaryň bahalary: Galaxy S24 (256 GB) – takmynan, 604 dollar Galaxy S24 (512 GB) – takmynan, 645 dollar Galaxy S24+ (256 GB) – takmynan, 708 dollar Galaxy S24+ (512 GB) – takmynan, 747 dollar Galaxy S24 Ultra (256 GB) – takmynan, 888 dollar Galaxy S24 Ultra (512 GB) – takmynan, 928 dollar Galaxy S24 Ultra (1 TB) – takmynan, 1008 dollar