Gadymy zatlary toplaýjy edaranyň eýesi Haýdi Markou Montgomeri okrugynda geçirilen auksiondan bir aýalyň suraty çekilen kömür suraty satyn aldy. 17,5 x 16,5 ölçegdäki kartinanyň bahasy oňa bary-ýogy 12 dollara düşdi diýip, abcNEWS ýazýar. Haýdi eseriň göwnünden turandygyny we adamsyndan ony satyn almagyny haýyş edipdir. "Munuň nämedigini bilemokdym, diňe göwnüm gitdi, bolany. Bu eser gözüme üýtgeşik göründi" - diýip, Markou gürrüň berdi. Är-aýal alan zadyny gözden geçirenlerinden soň, suratyň ýüzünde çala saýgardýan goluň bardygyny gördi, şeýle hem çarçuwanyň ýokary hillidigine üns berdiler. Kagyz eseriň belli fransuz impressionist suratkeşi Pýer Ogýusta Renuaryňky bolmagynyň mümkindigini görkezýärdi. Arka ýüzündäki möhürçe eseri ABŞ-a iri importçynyň getirendigine we kolleksionere satandygyna şaýatlyk edýärdi. Zenan Sotheby’s auksion öýüne ýüz tutdy, ol hem ony bilermeniň ýanyna ugratdy. Bahalandyryjy suraty gözden geçirdi we Markowy gymmatly tapyndysy bilen gutlady. Bu eser indi Wildenşteýn Plattner instituty tarapyndan öwrenilýär we hakykylygy tassyk bolsa, Markow ony "alty ýa-da ýedi belgili baha" satmakçy bolýar.

Täzelikler, Ata Watan tarapyndan 4 days ago
Teswir ýazmak üçin Içeri gir