Türkmenistanyň Prezidenti Samarkantda geçiriljek Merkezi Aziýa – ÝB sammitine gatnaşar, Türkmenistanyň dört welaýatynda suw arassalaýjy desgalar işe girizildi, Aşgabatda Russiýanyň kino we animasiýa festiwaly başlandy we beýleki habarlar Türkmenistanda 1. Türkmenistanyň Prezidenti Serdar Berdimuhamedow 3-4-nji aprelde Samarkantda geçiriljek «Ýewropa Bileleşigi — Merkezi Aziýa» formatyndaky ilkinji sammite gatnaşar. Bu barada ÝB-niň Türkmenistandaky wekilhanasynyň metbugat gullugy habar berdi. https://turkmenportal.com/blog/89400/prezident-turkmenistana-podtverdil-uchastie-v-sammite-ca--es-v-samarkande 2. Türkmenistanda Balkan, Mary, Ahal we Lebap welaýatlarynda täze suw arassalaýyş we lagym desgalary işe girizildi. Täze inženerçilik infrastrukturasy sebitlerdäki suw üpjünçiligini we daşky gurşaw şertlerini gowulandyrmaga kömek eder. https://turkmenportal.com/blog/89407/v-turkmenistane-vvedeny-vodoochistnye-sooruzheniya-v-chetyreh-velayatah 3. Anna güni Aşgabadyň «Berkarar» kinoteatrynda rus kinofilmleriniň festiwaly açyldy. Kinofestiwal «Uly syýahat. Dünýä aýlanyp çykmak» atly multfilmiň görkezilişi bilen başlandy. «Bu gün biz Russiýanyň çagalar kinosyny giň köpçülige ýaýmak boýunça ajaýyp çäräniň geçirilýändigine şaýat bolýarys. Russiýa Federasiýasynyň ilçihanasy Medeniýet ministrligi we «Rossotrudniçestwo» federal agentligi bilen bilelikde ajaýyp maşgala filmleriniň görkezilişini gurnandyklaryna begenýäris» – diýip, Russiýa Federasiýasynyň Federal Ýygnagynyň Federasiýa Geňeşiniň başlygynyň orunbasary Inna Swýatenko festiwalyň açylyşynda nygtady. https://turkmenportal.com/blog/89423/v-ashhabade-startoval-festival-rossiiskogo-kino-i-animacii 4. Türkmenistanyň Prezidenti Serdar Berdimuhamedow Oraza baýramy mynasybetli 31-nji marty dynç güni diýip yglan etdi. «Türk­me­nis­ta­nyň Zäh­met ko­dek­si­niň 81-nji mad­da­sy­na la­ýyk­lyk­da, ka­rar ed­ýä­rin: Türk­men hal­ky­nyň mil­li baý­ra­my bo­lan Ora­za baý­ra­my­ny 2025-nji ýy­lyň 30-njy mar­tyn­da bel­le­me­li. 30-njy mar­t­da­ky dynç gü­nü­ni 31-nji mar­ta — du­şen­be gü­nü­ne ge­çir­me­li» diýlip, resminamada bellenilýär. https://turkmenportal.com/blog/89417/31-marta-v-turkmenistane-obyavili-vyhodnym-v-svyazi-s-prazdnikom-oraza-bairamy 5. 28-nji martda geçirilen Hökümet mejlisinde Prezident Serdar Berdimuhamedow «Türkmenistanda 2025-nji ýylda şaly öndürmek hakynda» Karara gol çekdi. Resminama laýyklykda, Oba hojalyk ministrligine, «Türkmengallaönümleri» döwlet birleşigine, Daşoguz we Lebap welaýatlarynyň häkimliklerine bu welaýatlaryň degişli etraplarynda önümçiligi we ekin dolanyşygyny agrotehnikanyň talaplaryna laýyklykda ylmy esasda ýola goýmak bilen, şalynyň ýokary hasylynyň öndürilmegini üpjün etmek tabşyryldy. https://turkmenportal.com/blog/89425/prezident-turkmenistana-podpisal-postanovlenie-o-proizvodstve-risa-v-2025-godu 6. Gazagystan Respublikasynyň saglygy goraýyş ministri Akmaral Alnazarowa Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa bilen duşuşygynda dost-doganlyga, hoşniýetli goňşuçylyga esaslanýan türkmen-gazak gatnaşyklarynyň dürli ugurlar boýunça ösdürilýändigini aýtdy. Gazagystanyň Saglygy goraýyş ministrliginiň ýolbaşçysy Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň sebitde we dünýäde ynsanperwer gatnaşyklary pugtalandyrmakdaky ähmiýetini belledi. https://turkmenportal.com/blog/89422/glava-minzdrava-kazahstana-otmetila-razvitie-otnoshenii-s-turkmenistanom-po-shirokomu-spektru Dünýäde 1. Kopengagende ýerleşýän Ýewropanyň seljerme merkezi «21st Europe» 2040-njy ýyla çenli umumyýewropa ýokary tizlikli demir ýol ulgamyny döretmek meýilnamasyny yglan etdi. Işläp düzüjileriň pikiriçe, bu ulgam halkara metropoliteniň nusgasyna öwrüler we awaigatnawlara çynlakaý bäsdeşlik döreder. «21st Europe» taslamasyna laýyklykda, täze ulgam awtomobil we bar bolan demir ýol ulaglary bilen deňeşdirilende, syýahat wagtyny 30% azaldar. Otlular sagatda 300–400 kilometre çenli tizlik bilen hereket eder. https://turkmenportal.com/blog/89396/v-evrope-planiruyut-sozdat-obshcheevropeiskuyu-set-vysokoskorostnyh-zheleznyh-dorog 2. Papheng atly bäş aýlyk fransuz buldogy Tailandda ilkinji klonlaşdyrylan it boldy. Onuň eýesi, Ratçaburi welaýatynyň 50 ýaşly ýaşaýjysy öý haýwanyny şeýle bir gowy görýärdi welin, onuň ölümine döz gelip bilmedi. Aýal tegmilli dostuny gaýtaryp getirmek üçin alty million batdan gowrak pul, ýagny 176 müň dollar sarp etdi. https://turkmenportal.com/blog/89393/v-tailande-vpervye-klonirovali-sobaku