TikTok-yň global işewürlik çözgütleri bölüminiň başlygy Bleýk Çendli kompaniýany terk edýär diýip, Adweek habar berýär. Bu TikTok-yň 2025-nji ýylyň başyndan bäri işden giden top-menejerleriniň azyndan sekizinjisidir diýip, The Information belleýär. Bleýk Çendli TikTok-da 2019-njy ýyldan bäri işleýär hem-de global mahabat satuwyna we marketinge jogap berýär. Ol 1-nji aprelden wezipesinden aýrylar, ýöne kompaniýanyň geňeşçisi bolup galar. Onuň gitmegi kompaniýada dowam edýän üýtgedip gurmalar bilen baglanyşykly. Global işewürlik çözgütleri topary monetizasiýa önümlerini işläp taýýarlamak bölümi bilen birleşdiriler. Bu topara Uill Lýu ýolbaşçylyk edýär – ol birleşdirilen bölümiň başlygy bolar. Çandli TikTok-y ABŞ-da gadagan edilmekden goran möhüm şahsyýetleriň biridi. 2024-nji ýylyň aprelinde prezident Jo Baýden eger sosial ulgamyň eýesi ByteDance hytaý kompaniýasy 2025-nji ýylyň 19-njy ýanwaryna çenli TikTok-y ABŞ-a satmasa, sosial ulgamy petiklemek baradaky kanuna gol çekdi. Täze prezident Donald Tramp bu gadaganlygy ýatyrdy. Indi geleşik 5-nji aprele çenli tamamlanmaly. ABŞ-nyň prezidentiniň administrasiýasy birbada birnäçe potensial alyjy bilen gepleşikleri alyp barýar.