SpaceX polýar orbitasyna ilkinji ekipažly uçuşyna – Fram2 missiýasyna taýýarlyk işlerini tamamlady. Uçuş duşenbe gününe, 31-nji marta meýilleşdirilýär. Dragon kosmos gämisi Floridadaky Kennedi kosmos merkeziniň 39A meýdançasynyň angaryna eltildi. Fram2 missiýasy Ýeriň pes polýar orbitasyna taryhda ilkinji ekipažly uçuş bolar. Kosmos gämisi 425-450 km belentlikde 90 gradus gyşarma bilen orbita çykyp, Demirgazykdan Günorta polýusa uçar. Missiýanyň ady Norwegiýanyň polýar gözlegleri üçin niýetlenen gämisiniň hormatyna atlandyryldy. Ekipažyň düzüminde dört adam bolar. Uçuş 3 – 5 gün dowam eder. Missiýa gatnaşyjylar Ýeriň polýar sebitlerini we kosmos uçuşynyň adam organizmine täsirini öwrener. Planetany synlamak üçin bortda 2021-nji ýylda SpaceX Inspiration4 missiýasynda ulanylan ýörite gümmez oturdyldy.