Aprel aýyndaky satuw bilen altyn üçin fýuçersiň bahasy taryhda ilkinji gezek bir unsiýa (takmynan, 31,1 gram) üçin 3000 dollar belligine ýetdi. Muny Comex söwda biržasynyň maglumatlary delillendirýär. Altynyň bahasy 14-nji marta geçilýän gije iň ýokary derejäni täzeledi. 9:31-e çenli (Aşgabat wagty bilen) altyn üçin fýuçersiň bahasy bir unsiýa üçin 3005 dollara ýetdi, şondan soň pese düşdi. Habar ýazylan wagty altyn 2998 dollar derejesinde satylýar. Gymmat bahaly metalyň bahasy amerikan fond bazarynyň pese gaçmagy esasynda ýokarlandy. Soňky bir aýda S&P 500 fond indeksi tas 10% pese gaçdy, soňky bir hepdede bolsa (7 – 13-nji mart) indeks 4,3% pese düşdi. Bütindünýä altyn geňeşiniň maglumatlaryna görä, 2024-nji ýylda altynyň bahasy 40 gezek rekordy täzeledi.