Audi kompaniýasy R8 sportkarynyň täze wersiýasyny taýýarlaýar. Bu modeliň önümçiligi 2024-nji ýylda tamamlanypdy. Autocar-yň maglumatlaryna görä, model kuwwaty 1000 at güýjüne barabar bolan gibrid güýç enjamy bilen üpjün edilip, taryhda awtomobiliň iň tiz wersiýasy bolar. Bu taslama Audi-niň dolandyryş geňeşiniň başlygy Gernot Dýollner jogap berýär. Awtomobiliň 2027-nji ýylyň ahyrynda görkezilmegi meýilleşdirilýär. Täze R8 2024-nji ýylda hödürlenen Lamborghini Temerario sportkarynyň platformasyna esaslanýar. Awtomobiliň goşa turbinaly dört litrlik V8 hereketlendirijisini almagyna garaşylýar. Ilkinji Audi R8 2006-njy ýylda peýda boldy we Lamborghini Gallardo bilen deň platformada gurnaldy. 2015-nji ýylda çykan ikinji nesil bolsa Huracán-yň platformasyna esaslandy. 20 ýylyň içinde bu modelden 44 418 nusga satyldy.