ABŞ-da elektrik ulaglarynyň we içinden ýandyrylýan hereketlendirijili ulaglaryň bahasynyň tapawudy üç ýylda 50%-den 15%-e çenli azaldy. JATO Dynamics-iň seljerijileri elektrik awtoulaglarynyň indi öňküsinden has arzandygyny bellediler. Şeýle-de bolsa, olaryň bahasy adaty hereketlendirijili awtoulaglardan has ýokary. Şonuň üçin bahalaryň aratapawudy elektrikli awtoulaglaryň bahasynyň arzanlamagy bilen däl-de, eýsem adaty ulaglaryň bahasynyň ýokarlanmagy bilen hem baglanyşyklydyr. Ýewropada we ABŞ-da elektrikli awtoulaglar öňki ýaly Hytaýdakydan has gymmat. ABŞ-da elektrik ulaglarynyň ortaça bahasy 2018-nji ýyldan bäri 25%, Ýewropada bolsa hümmetsizlenme nukdaýnazaryndan 15% arzanlady. Ýewropada baha tapawudy 22%, Angliýada bolsa 51% -den 18% -e çenli azaldy. Bu içinden ýandyrylýan hereketlendirijili awtoulaglaryň bahasynyň 14% ýokarlanmagynyň çäginde bolup geçdi, elektrikli awtoulaglar bolsa bary-ýogy 11% arzanlady. Hytaýyň awtoulag öndürijileri elektrikli ulaglaryň bahasyny arzanlatmakda ABŞ-daky we Ýewropadaky bäsdeşlerinden öňe geçdi. Hytaýda bahasy 40 000 ýewro çenli bolan 180-den gowrak model bar, Ýewropada 30-a golaý şeýle model bar we ABŞ-da bolsa 10-dan hem az. Germaniýada we Kanadada subsidiýalaryň aýrylmagy elektrik awtoulag bazaryna eýýäm täsir etdi. Mundan başga-da, ABŞ-nyň täze prezidenti Donald Trampyň daşky gurşaw kadalaryny gowşatmagy we batareýa bilen işleýän ulaglara goldawy ýatyrmagy meýilleşdirýär, bu hem elektrik ulagy bazaryna oňaýsyz täsir eder.