Türkmenistanyň Söwda-senagat edarasy 2025-nji ýylda daşary ýurtlarda geçiriljek esasy halkara sergileriň, ýarmarkalaryň we forumlaryň sanawyny çap etdi. Türkmen telekeçileriniň dykgatyna niýetlenen sanaw edaranyň resmi saýtynda elýeterlidir. Esasy çäreler: Eýranda we Hindistanda geçiriljek sergiler/ ýarmarkalar aýratynlykda hödürlenilýär. Germaniýa: Ambiente 2025 — Sarp ediş we hojalyk harytlaryň öňdebaryjy halkara sergi-ýarmarkasy, 7–11-nji fewral, Frankfurt Maýn ş. Awstriýa: Wohnen & Interieur-Messe 2025 — Dizaýn, ýaşaýyş durmuşy, esbaplar we baglar üçin Awstriýanyň iň uly söwda ýarmarkasy. Içerki mebelleriň, aşhanalaryň we örtükleriň hünär sergisi. 12–16-njy mart, Wena; Elektro-Fachhandelstage 2025 — Sarp ediji elektronikasynyň, durmuş enjamlarynyň we telekommunikasiýa önümleriniň sergisi. 26-27 sentýabrda Awstriýanyň Linsa şäherinde RX Awstriýa-Germaniýa-Zalsburg tarapyndan gurnalar. Gruziýa: Gara deňiz we Hazar deňiz portlary, ýük daşamak we logistika boýunça sergi we konferensiýa. 25-27 martda Tbilisi şäheri. Türkiýe: BEAUTYISTANBUL — halkara kosmetika sergisi, 8–10-njy maý, Stambul. Türkiýe Respublikasynyň Palatalar we biržalar birleşiginiň web saýtynda 2025-nji ýylda geçiriljek sergileriň sanawy.