Günorta Koreýanyň “Kalmar oýny” (“Игра в кальмара”) serialynyň ikinji möwsümi bu akym hyzmatynyň hereket edýän 93 ýurdunda Netflix-iň iň meşhur şüweleňine öwrüldi diýip, Flix Patrol portaly habar berýär. 26-njy dekabrda görkezilen gününiň ertesi, ikinji orny eýelän ýeri bolan Täze Zelandiýany hasaba almanyňda, serial 92 ýurtda öňdeligi eýeledi. “Kalmar oýnunyň” ilkinji möwsümi 2021-nji ýylyň sentýabr aýynda çykypdy we ilkinji görkezilişinden sekiz gün soň Netflix-iň sanawynda birinji orny eýeledi. Soň bolsa 106 günläp rekordy saklady. Tankytçylar ikinji möwsümi dürli garaýyşlar bilen kabul etdiler. Synçylar täze möwsümiň has süýndirilen bolup çykandygyny we öňki möwsümine gaty meňzeýändigini bellediler. Şeýle-de bolsa, taslama kapitalistik ekspluatasiýa, synplaryň arasyndaky deňsizlik we ahlak taýdan pese düşüş ýaly, möhüm sosial meseleleri gozgamagyny dowam etdirýär.