"Türkmenawtoulaglary" agentligi ilata ýokary hilli ulag hyzmatyny üpjün etmek maksady bilen, Täze ýylyň öňüsyrasynda şäher ugurlary boýunça awtobuslaryň hereket tertibine üýtgetmeleri girizdi. Täzelenen tertibe laýyklykda, Awtobuslar 2024-nji ýylyň 31-nji dekabrynda sagat 6:00-dan 2025-nji ýylyň 1-nji ýanwarynda sagat 2:00-a çenli işlär. Taksileriň işi gije-gündiz düzgüninde guralar. Awtobus gatnawlary Aşgabat, Arkadag, Balkanabat, Türkmenbaşy, Daşoguz, Türkmenabat we Mary şäherlerinde doly derejede üpjün ediler. Aşgabat — Gökdepe, Aşgabat — Änew we Gökdepe — Arkadag ugurlary boýunça goşmaça awtobuslar hereket eder.