“Formula-1-iň” meksikaly ýaryşa gatnaşyjysy Serhio Peres “Red Bull” toparyndan gidýändigini mälim etdi diýip, TASS habar berýär. “Geçen dört ýyl üçin minnetdar, “Red Bull”. Size gowulyklary arzuw edýärin” – diýip, Peres Instagram-da hoşlaşyk habarynda ýazdy. Peres bu topara 2021-nji ýylda goşuldy. Onuň iň uly üstünligi 2023-nji ýyl möwsüminde dünýäniň wise-çempiony titulyny gazanmagy boldy. 2022-nji ýylda ol umumy hasapda üçünji orny eýeledi. Öň, Peres “Zauber”, “Maklaren”, “Fors Indiýa” we “Reýsing poýnt” ýaly toparlarda çykyş etdi. “Formula-1-däki” karýerasynyň dowamynda 34 ýaşly Serhio Peres alty ýeňiş gazandy we 39 gezek münbere çykdy. Ol “Red Bulluň” düzüminde Maks Werstappen bilen bilelikde çykyş etdi. Ýaryşa gatnaşyjylar bilelikde iki gezek – 2022-nji we 2023-nji ýyllarda Konstruktorlaryň kubogynda ýeňiji boldular.