5-nji dekabrda mugt UFL futbol simulýatorynyň relizi boldy. Strikerz studiýasynyň oýny PlayStation 5-de we Xbox Series-de eýýäm elýeterli, PK üçin wersiýa bolsa 2025-nji ýylda peýda bolar. UFL arzuwyňdaky topary döretmek mümkinçiligini hödürleýän ulgamlaýyn simulýatordyr. Onuň mehanikasy EA Sports FC-den Ultimate Team režimini ýada salýar. Oýunda ýekelikdäki režim ýok. Taslamany meşhur futbolçy Kriştianu Ronaldu goldady, ol oýnuň işlenip düzülmegine, takmynan, 40 mln dollar maýa goýdy. Şeýle-de, ol oýnuň ýüzi bolup çykyş etdi. Beýleki ilçileriň arasynda Kewin De Brýoýne, Roberto Firmino, Aleksandr Zinçenko we Romelu Lukaku bar. Işläp düzüjler UFL-i dogruçyl mehanikalary bolan futbol simulýatory hökmünde kesgitleýärler.