25-nji awgustda Mehikoda (Meksika) boks agşamy geçirildi we onuň esasy wakasy Floýd Meýwezer-kiçi bilen Jon Gotti III-niň arasyndaky söweş boldy. Söweş tutuş sekiz raund dowam etdi we ýeňiji yglan edilmezden tamamlandy. Çünki, söweş görkezme häsiýetindedi we ýeňiji diňe nokaut bolan ýagdaýynda yglan edilip bilnerdi. Boksçylaryň arasyndaky birinji söweş altynjy raundda Meýwezeriň ýeňmegi bilen tamamlanypdy. Şonda Jon Gotti nägilelik bildirip, Floýdyň üstüne abandy. Ringe boksçylaryň toparlarynyň wekilleri-de çykdy we uly dawa başlandy. Netijede, Gotti çykyşlardan ýarym ýyl çetleşdirildi, ýöne soň bu jeza ýatyryldy. Floýd Meýwezer - ýeňilmedik amerikaly professional boksçy. The Ring žurnaly boýunça (2005-2007, 2013-2015), ol agram derejesine garamazdan iň gowy boksçy hasaplanylýar. 30 ýaşly Gotti birnäçe ýyl höwesjeň derejede çykyş edip, MMA-nyň professional söweşijisi boldy. 2017-nji ýylda professional derejä geçenden soň, onuň rekordy 5-1 boldy.