X sosial ulgamynyň eýesi Ilon Mask ulanyjylaryň işjeňligi boýunça täze rekord barada habar berdi. Onuň aýtmagyna görä, platforma bir günde “dünýäde 417 milliard ulanyjy sekuntyny” gazandy. “ABŞ-da ulanyjy sekuntlarynyň sany 93 milliarda ýetdi, bu öňki 76 milliard rekorddan 23% köpdür. Bir günde” diýip, ol ýazdy. Ilon Mask “Twitteri” satyn alandan soň, sosial ulgamyň adyny X diýip üýtgedi, şondan soň onuň nähili meşhurlyk gazanýandygy barada yzygiderli habar berip başlady. Şeýle-de, ol X-iň bazar paýyny artdyrsa, bäsdeşleriniň galmajakdygyna ynam bildirdi. Analitikler X-iň ulanyjylarynyň sany barada takyk maglumatlaryň heniz elýeterli däldigini, sebäbi kompaniýanyň bu maglumaty çap etmeýändigini belleýärler. Mundan başga-da, Maskyň “ulanyjy sekuntlaryny” nähili ölçeýändigi we bu görkezijä nähili şertleriň täsir edýändigi belli däl.