Indiki “Finalissima” ýaryşynyň gatnaşyjylary belli boldy. Bu gezek 2024-nji ýylyň Ýewro we Kopa Amerika ýaryşlarynyň ýeňijileri duşuşýar. Şeýlelikde, ýaryşda Ýewropa çempionatynyň finalynda Angliýany 1:2 hasabynda utan Ispaniýa we Amerikanyň Kubogynyň finalynda Kolumbiýany 0:1 hasabynda utan Argentina duşuşar. Deslapky maglumatlara görä, ýaryş 2025-nji ýylyň iýun ýa-da iýul aýynda geçirilip bilner. 2022-nji ýylda geçen ilkinji “Finallissima” ýaryşynda Argentinanyň milli ýygyndysy Londondaky “Uembli” stadionynda Italiýany 3:0 hasabynda utdy. Bu ýaryş 2021-nji ýylda UEFA we KONMEBOL tarapyndan gol çekilen özara düşünişmek baradaky Ähtnama laýyklykda gurnalýar. Resminama 2028-nji ýyla çenli hereket edýär. Şol bir wagtyň özünde, Ýewro-2024-üň we Amerikanyň Kubogy-2024-üň ýeňijileriniň arasynda täze oýnuň heniz resmi taýdan tassyklanmandygyny bellemek gerek.