Şu gün, 3-nji iýunda Bütindünýä welosiped güni mynasybetli Aşgabatda köpçülikleýin welosipedli ýöriş geçirildi. Oňa Prezident Serdar Berdimuhamedow gatnaşdy. Welosipedli ýöriş Çandybil şaýolunyň we Bekrewe köçesiniň çatrygynda gurlan «Welosiped» binasynyň ýanyndan badalga aldy. Weloýörişe ýurdumyzyň ýolbaşçylar düzümi, talyplar, halk hojalygynyň dürli pudaklarynyň işgärleri, ýurdumyzda işleýän diplomatik wekilhanalaryň we halkara guramalaryň ýolbaşçylary gatnaşdylar. Serdar Berdimuhamedow köpçülikleýin welosipedli ýörişe badalga berip, welosiped kerweniniň öňüni çekdi. Welosipedli ýöriş Ruhyýet köşgüniň ýanynda jemlendi.