Florida döwlet uniwersitetiniň (ABŞ) gözlegçileri ýaňy-ýakynda Ýere aralaşan uran geomagnit tupanlarynyň bir topar harasadyň döremegine getirip biljekdigini anykladylar. Bu barada Daily Mail neşiri habar berýär. Gözlegçiler soňky 5500 ýyldaky tropiki siklonlaryň işjeňligini seljerenlerinden soň, olaryň ýygylygynyň 40% ýokarlanan 11 döwrüni ýüze çykardylar. Alymlar Meksika aýlagynyň demirgazyk-gündogaryndaky tupanlar hakynda agaçlaryň halkasynyň derňewinden alnan maglumatlary gözden geçirip, tropiki siklonlaryň işjeňliginiň ýokarlanmagy we Günüň ýokary işjeňlikdäki döwürleriniň arasyndaky baglanyşygy tapdylar. Günüň işjeňliginiň ýokarlanmagy ummanlaryň aşa gyzmagyna getirýär, bu bolsa öz gezeginde tropiki tupanlaryň döremegi üçin amatly şertleri döredýär. Eger alymlaryň çaklamalary tassyk bolsa, onda 2003-nji ýyldan bäri Gündäki güýçli alawlar sebäpli dörän iň güýçli G5 klasly magnit tupany birnäçe gaý-harasatlaryň döremegine sebäp bolup biler.