“Ýuwentusyň” oýunçylary Italiýanyň Kubogynyň final oýnunda “Atalantany” 1:0 hasabynda utdular. Duşuşyk Rimdäki Olimpiýa stadionynda geçirildi. Ýeňijileriň düzüminden Duşan Wlahowiç tapawutlandy (4-nji minut). “Ýuwentus” 15-nji gezek Italiýanyň Kubogynyň eýesi boldy. Turin topary bu görkeziji boýunça rekord eýesidir. Mundan öň, topar kubogy 1938, 1942, 1959, 1960, 1965, 1979, 1983, 1990, 1995, 2015, 2016, 2017, 2018 we 2021-nji ýyllarda aldy. “Atalanta” Italiýanyň Kubogynyň finalynda altynjy gezek oýnady, topar diňe 1963-nji ýylda ýaryşyň ýeňijisi boldy.