ABŞ-nyň Söwda ministrligi Samsung Electronics kompaniýasyna 6,6 milliard dollar subsidiýa berer diýip, Reýter agentligine salgylanýan iXBT.com habar berýär. Bu serişdeler Tehas ştatynyň Teýlor şäherinde dört desgany gurmak üçin sarp ediler. Zawodlaryň biri ösen tehnologiki ülňüler boýunça çip öndürer we 2021-nji ýylda Samsung tarapyndan yglan edilen 17 milliard dollarlyk taslamanyň bir bölegi bolar. Samsung-yň beýleki üç kärhana üçin meýilnamalary entek yglan edilmedi. Bu subsidiýa ABŞ-da ýarymgeçirijileriň önümçiligini höweslendirmäge niýetlenen CHIPS kanunynyň çäklerinde berilýär. Ondan öň, Taýwanyň TSMC kompaniýasy 6,6 milliard dollar möçberinde şuňa meňzeş subsidiýa alypdy.