ABŞ-nyň milli futbol ýygyndysy KONKAKAF Milletler ligasynyň finalynda Meksikanyň milli toparyny 2:0 hasabynda utup, bu ýaryşda yzygider üçünji ýeňşini gazandy. Oýun Arlingtondaky (ABŞ) “EýTi-end-Ti Stedium” stadionynda geçirildi. Gollary hasaplaryna ýarym goragçylar Taýler Adams we Jowanni Reýna ýazdy. Mundan öň, üçünji ýer ugrundaky oýunda Ýamaýkanyň milli ýygyndysy Panamany 1:0 hasabynda utdy. ABŞ bu ýaryşda agdyklyk edýär. 2021-nji ýylda birinji KONKAKAF Milletler ligasy ýaryşynda amerikan ýygyndysy finalda Meksikany goşmaça wagtda 3:2 hasabynda utdy. 2023-nji ýylyň tomsunda geçirilen ikinji ýaryşyň finalynda ABŞ Kanadanyň milli ýygyndysyny 2:0 hasabynda utdy. Belläp geçsek, ABŞ, Kanada we Meksika 2026-njy ýylyň dünýä çempionatyna ýollamany eýýäm awtomatik ýagdaýda aldylar, sebäbi olar ýaryşyň ýer eýeleridir.