23-nji martda Awstriýanyň milli ýygyndysy ýoldaşlyk duşuşygynda Slowakiýany 2:0 hasabynda ýeňdi. Duşuşygyň altynjy sekundynda Awstriýanyň milli ýygyndysynyň ýarymgoragçysy Kristof Baumgartner hasaby açdy we milli ýygyndylaryň taryhyndaky iň çalt goluň eýesi boldy. Öňki rekord nemes futbolçysy Lukas Podolskä degişlidi. Ol 2013-nji ýylda Ekwadoryň milli ýygyndysyna garşy oýunda topy sekizinji sekuntda derwezä salypdy. Baumgartnerden başga-da hüjümçi Andreas Waýman 82-nji minutda topy garşydaşyň derwezesine iberdi. 26-njy martda Awstriýanyň milli ýygyndysy Türkiýe bilen ýoldaşlyk duşuşygyny geçirer.