Daşoguz welaýatynda ýazky sogan ekişi tamamlandy. Bu barada «Türkmenistan: Altyn asyr» saýtynda habar berildi.Ekiş üçin soganyň ýerli howa şertlerinde ösdürip ýetişdirmäge uýgunlaşdyrylan ýokary hasylly, ir ýetişýän, guraklyga we aýazlara çydamly görnüşleri ulanyldy. Habarda bellenilişi ýaly, görnüşler saýlananda, olaryň ösýän möwsümi, dürli kesellere garşylygy we uzak möhletleýin saklamak hem-de daşamak ukyby göz öňünde tutuldy. Demirgazyk sebitde Akdepe we Şabat etraplary iň köp sogan öndürijilerdir. Welaýatyň daýhanlary sogan ekmek üçin ähli işleri ýokary guramaçylyk derejesinde amala aşyrmagy başardylar, bu bolsa sogan hasylynyň ýokary bolmagyna mümkinçilik berer diýlip, habarda bellenilýär.