Google kompaniýasy Android 15 operasion ulgamyna täze bir aýratynlyk girizer, ol öçürilen ýagdaýynda hem smartfonyň ýerleşýän ýerini kesgitlemäge mümkinçilik berer. Dogrusy, bu aýratynlyk diňe täze enjamlarda elýeterli bolar. Android enjamlaryny gözlemek üçin döredilen Google Find My Device ulgamynyň çäklendirmeleri bar, esasanam ol smartfon öçük bolsa peýdasyz. Google Android 15-de öçürilen ýa-da batareýasy çöken bolsa-da ýitirilen enjamy tapmaga mümkinçilik berýän täze Powered Off Finding API interfeýsini durmuşa geçirmegi maksat edinýär. Bellenilmegine görä, API öňünden hasaplanan Bluetooth signallaryny Bluetooth gözegçisiniň ýadynda saklamak bilen işlär. Täze API üçin döwrebap enjamlary talap ediler. Bu aýratynlygyň operasion ulgamy Android 15-e çenli täzelenenden soň Pixel 8 we Pixel 9 tarapyndan goldanylmagy mümkin, ýöne Pixel Fold, Pixel 7 we Pixel 6 ýaly köne modellerde elýeterli bolmaz.