Insaýderleriň maglumatlaryna görä, Apple 26-njy martda hödürlenjek täze iPad planşetleriniň ilkinji görkezilişine taýýarlanýar. Kompaniýanyň täzelenen iPad Air we iPad Pro modellerini hödürlemegine garaşylýar diýip, Macrumors habar berdi. Sary iPhone 14, iPhone 15 Pro-daky giňişlikdäki wideo we Apple Watch Series 9 -yň aýratynlyklary barada ozal takyk maglumat beren hytaýly Instant Digital insaýderi Apple-iň 26-njy martda diňe bir täze planşetleri bildiriş etmek bilen çäklenmän, olary derrew satuwa hem goýberjekdigi barada habar berdi. Sözlerini tassyklamak üçin Instant Digital 26-njy martda Amazonda täze iPad-ler üçin gorag daşlyklarynyň birnäçe modelini ýüze çykaran Hytaýyň IT Home web sahypasyndaky maglumatlara salgylanýar.