21-nji fewralda Türkmenistanyň çempiony "Arkadag" futbol kluby bilen Russiýanyň premýer-ligasynyň çempiony "Zenitiň" arasynda ýoldaşlyk duşuşygy geçirildi. Abu-Dabide (BAE) okuw-türgenleşikleriniň çäklerinde geçen duşuşyk 1:1 hasabynda tamamlandy. Duşuşykda hasaby Sankt-Peterburguň kluby açdy. Öz adyna goly "zenitiň" fransuz hüjümçisi Wilson Izidor ýazdyrdy. Türkmenistanyň milli ýygyndysynyň tejribeli hüjümçisi Altymyrat Annadurdyýew jerime urgusyndan hasaby deňledi. Indiki ýoldaşlyk duşuşygyny "Arkadag" futbol kluby 25-nji fewralda "Abdyş-Ata" (Gyrgyzystan) bilen geçirer. Ýatlat geçsek, öň tälimçi Wladimir Baýramowyň şägirtleri 2:1 hasabynda Russiýanyň premýer-ligasynyň beýleki bir wekili - "Pari NN" klubuny ýeňdi.