Italiýanyň "Napoli" klubunyň oýunçylary Çempionlar ligasynyň 1/8 finalynyň birinji oýnunda Ispaniýanyň "Barselonasy" bilen deňme-deň oýnadylar. Neapoldaky duşuşyk 22-nji fewrala geçilen gije sagat 01:00-da başlady (Aşgabat wagty bilen) we 1:1 hasabynda tamamlandy. Robert Lewandowskiniň goluna (60-njy minut) ýer eýeleri Wiktor Osimheniň goly bilen jogap berdiler (75). "Barselona" garşy oýun "Napoliniň" başynda Françesko Kalsona üçin ilkinji oýun boldy. Ol 20-nji fewralda toparyň baş tälimçisi wezipesinde Walter Mazzariniň ornuny çalyşdy. Kalsona italýan klubundaky işini Slowakiýanyň milli ýygyndysynyň baş tälimçisi wezipesi bilen utgaşdyrýar. Günüň beýleki bir oýnunda Portugaliýanyň "Portu" topary "Dragau" stadionynda Angliýanyň "Arsenalyny" kabul etdi. Oýunda ýeke-täk gol 90+4-nji minutda geçirildi. "Portunyň" hüjümçisi Wenderson Galeno tapawutlandy. Bu toparlaryň jogap oýunlary 13-nji martda geçiriler we Aşgabat wagty bilen 01:00-da başlar.