Google ulanyjylara Gemini generatiw AI-niň çat-botlary we ulgamlary bilen ähli söhbetdeşlikleriniň we sesli gepleşikleriniň deslapky ýagdaýda kompaniýanyň maglumatlar bazasyna düşýändigini duýdurdy. Bu Google-yň işgärleriniň öz önümlerini, hyzmatlaryny we tehnologiýalaryny gowulandyrmak üçin, agzalan maglumatlary okap, bellik edip we ulanyp biljekdigini aňladýar. Kompaniýa ulanyjylary Gemini-ä şahsy we gizlin maglumatlary bermezlige çagyrdy, sebäbi bu olaryň gizlinligini we howpsuzlygyny bozup biler. Şeýle hem, Google ulanyjylaryň haýsy maglumatlaryň saklanýandygyna we işlenýändigine “My Activity” paneli arkaly gözegçilik edip biljekdigini aýtdy. Şeýle-de bolsa, ulanyjy bu aýratynlygy öçürse-de, Gemini-niň programmalarynyň ygtybarlylygyny we hilini üpjün etmek üçin, onuň maglumatlary 72 sagat saklanar. Gemini - bu döredijilikli AI-niň çat-botlar we ulgamlar maşgalasy bolup, ulanyjylara tekst ýazmak, grafika döretmek, düzediş koduny düzmek ýa-da söhbetdeşliklere taýýarlyk ýaly dürli meselelerde kömek edýär. Kompaniýa Gemini-nä ýokary derejeli akyl we döredijilik mümkinçiligini bermek üçin, ösen maşyn öwreniş tehnologiýalaryny ulanýandygyny öňe sürýär.