Facebook we Instagram sosial ulgamlaryna eýe bolan Meta korporasiýasy 2024-nji ýylyň 2-nji fewralynda 196 milliard dollar gazanyp, bir günlük ösüş rekordyny goýdy. Hünärmenler şeýle täsirli ösüşi diwidend tölegleriniň yglan edilmegi bilen baglanyşdyrýarlar diýip, Reuters habarlar gullugyna salgylanýan “Ekonomiçeskaýa prawda” habar berýär. Meta-nyň paýnamalary bir söwda sessiýasynda 20,3% ýokarlandy, şeýle hem bir ýylda iň uly bir günlük göterim girdejisini gazandy we 2012-nji ýylda Wall-Streetdäki çykyşyndan bäri üçünji orny eýeledi. Häzir kompaniýanyň bazar bahasy 1,22 trillion dollardan gowrak. 1-nji fewralda giçlik Meta goşmaça 50 milliard dollarlyk paýnamany satyn almaga ygtyýar berdi we çärýekdäki diwidendiň her paý üçin 50 sent boljakdygyny aýtdy. Mark Sukerbergiň kompaniýasy ozal diwidend tölemedik dördünji kompaniýadyr. Meta Apple, Microsoft we Nvidia bilen bilelikde diwidend yglan etdi. Metanyň bazar kapitalynyň ýokarlanmagy 2022-nji ýylyň 4-nji fewralynda bahasy 190 milliard dollar artan Amazonyň goýan öňki rekordyndan ýokary boldy.