Samsung kompaniýasy täze flagmanlar Galaxy S24, Galaxy S24 Plus we Galaxy S24 Ultra-a bagyşlanan Galaxy Unpacked-iň tanyşdyrylyşyny barmaga dakylýan iň täze Galaxy Ring ýüzügini görkezmek bilen tamamlady diýip, IXBT.com habar berýär. Kompaniýa enjamy ilkinji gezek resmi taýdan görkezdi. Akylly ýüzügiň ilkinji tanyşdyrylyşy ýakyn wagtda bolar. Samsung Samsung Health-iň uky apnoesini tanamaga we oňa garşy göreşmäge nädip mümkinçilik berýändigi baradaky gürrüň bilen Galaxy Ring-i öňe sürdi. Ähtimal, ýüzük apnoeni hem tanap bilýän bolara çemeli, ýöne bu hemmesi däl: ýürek urmasyny ölçäp, stresiň derejesini yzarlap, uka gözegçilik edip biler, ýagny fitnes bileziginiň we akylly sagadyň edýän zatlaryny edip biler. Galaxy Ring-iň ilkinji görkezilişiniň şu ýylyň ahyryna çenli bolup biljekdigi öň habar berlipdi. Galaxy Ring-iň Galaxy Z Fold6 we Galaxy Z Flip6 smartfonlary bilen bilelikde (takmynan, üstümizdäki ýylyň awgust aýynda) çykmagy mümkin.