«Oppengeýmer» terjimehal filmi 2023-nji ýylyň iň gowy taslamasy boldy. «Rotten Tomatoes» kinoreýting agregatorynyň web sahypasynda getirilen maglumatlar muny subut edýär diýip, lenta.ru habar berýär. Iň gowy filmleriň sanawynda «Missiýany ýerine ýetirmek mümkin däl: Öldüriji hasaplaşyk. Birinji bölüm» filmi hem bar, ol sanawda ikinji orny eýeledi. Martin Skorsezeniň «Gül Aýynyň ganhorlary» filmi sanawda üçünji orunda ýerleşdi. «Mirasdüşerler» bolsa «Seriallar» ugry boýunça ýylyň iň gowy taslamasy boldy. 2023-nji ýylyň iň gowy täze teleserialy «The Last of Us» («Soňky galanlarymyz») boldy. Şeýle hem «Oppengeýmer» film taryhyndaky iň köp girdeji gazanan terjimehal filmi boldy. Film dünýäde 912 million dollar girdeji gazanyp, «Queen» rok-toparynyň aýdymçysy Freddi Merkýuri hakyndaky «Bogema rapsodiýasy» filminiň ozalky rekordyny täzeledi. «Oskar» baýragyna mynasyp bolan bu film 2018-nji ýylda 902 million dollar girdeji gazanypdy.