Fransiýanyň Premýer-ministri wezipesine 34 ýaşly Gabriel Attal bellendi, ol ýurduň taryhynda iň ýaş Hökümet baştutany boldy. Bu barada BFMTV teleýaýlymyna salgylanýan «Gazeta.ru» habar berdi. Fransiýanyň Konstitusion Geňeşiniň başlygy Loran Fabius bu ugurda öňdeligi saklap gelýärdi, ýagny ol 1984-nji ýylda 37 ýaşynda Hökümet başlygy bolupdy. Gabriel Attal indi Fransiýanyň Prezidenti Emmanuel Makrona täze Ministrler Kabinetini düzmek barada teklip bermeli. Öň Fransiýanyň Ministrler Kabinetine Elizabet Born ýolbaşçylyk edýärdi, ol golaýda öz hökümetiniň iş başyndan gitmegi barada arza beripdi.