8-nji ýanwarda Amerikanyň United Launch Alliance (ULA) kompaniýasy Aýa ýük, şol sanda Peregrine gonuş modulyny eltjek Vulcan raketasyny uçurdy. TASS-yň habaryna görä, uçuryş kompaniýanyň web sahypasynda ýaýlyma berildi. Täze raketanyň uçurylyşy ýerli wagt bilen sagat 02:18-de (12:18 aşg.) Kanaweral (Florida ştaty) burnunda ýerleşýän kosmodromdan amala aşyryldy. Peregrine gonuş moduly Astrobotic kompaniýasy tarapyndan NASA-nyň geljekki missiýalary, şol sanda täjirçilik ýüklerini eltip bermek üçin işlenip düzüldi. Peregrine 23-nji fewralda Aýa ýeter. Birnäçe gezek üstünlikli uçurylan ýagdaýynda Vulcan geljekde esasy raketa göteriji hökmünde kompaniýanyň Atlas V raketasyny çalşyp biler. Iki basgançakly Vulcan raketasynyň beýikligi 62 m, ösüşi 2014-nji ýylda başlandy. Amazon-yň esaslandyryjysy Jeff Bezos tarapyndan döredilen Blue Origin-niň BE-4 hereketlendirijileri bilen işleýär.