Volkswagen kompaniýasy özüniň iň täze Scout wnedorožniginiň ilkinji görkezilişini bildiriş edýän wideony çap etdi. Ilkinji görkeziliş 2024-nji ýylyň tomsunda bolar diýip, IXBT.com habar berýär. Wideoda täze model görkezilmeýär, onuň deregine International Harvester Scout-y - 1961-nji ýyldan 1980-nji ýyla çenli öndürilen we Jeep awtoulaglaryna jogap hökmünde döredilen wnedorožnigi görüp bilersiňiz. Megerem, Volkswagen şeýtmek bilen Scout-yň wagşy, geçijiligi ýokary we belli bir derejede ýönekeý boljakdygyny görkezmek islän bolsa gerek. Şeýle-de bolsa, bir möhüm aýratynlygy bar: täze Scout elektrik bolar. Geljekde Scout-yň platformasyny Audi elektrikli Mersedes-Benz G-Class-a bäsdeş döretmekde ulanyp biler. Şol sebäpli Scout-yň ýokarky wersiýasynyň iki elektrik hereketlendiriji bilen oňmazlygy mümkin. Awtoulag öndürijisi wnedorožnikden başga-da, Scout kysymly ýük awtoulagyny hem hödürläp biler - geçen ýyl täze brendiň deňine iki modeli barada habar berlipdi.