Amerikanyň Google kompaniýasy Google Chrome brauzeriniň ulanyjylarynyň maglumatlaryny gizlin ýygnamaklygy bilen bagly azyndan 5 milliard dollarlyk kazyýet işi boýunça ylalaşyga gelmek üçin deslapky çözgüdi tapdy. Bu barada Reuters habarlar gullugy arzaçylaryň we günäkärlenýäniň aklawçylaryna salgylanyp habar berdi. Ylalaşygyň şertleri aýan edilmedi, ýöne aklawçylar Google-yň talaplaryň hökmany sanawyna razydygyny aýtdy. Ol 2024-nji ýylyň 24-nji fewralynda kazyýetiň tassyklamagyna hödürlener. Arza berijileriň arzasyna görä, Google-yň programmalary Google Chrome brauzerini şahsy "inkognite" brauzer režimine geçenlerinde-de, ulanyjylaryň işjeňligini yzarlamaga mümkinçilik berdi. Şeýlelik bilen kärhana ulanyjylaryň dostlary, güýmenjeleri, halaýan iýmitleri, sarp ediş endikleri we adamlaryň internetde gözleýän "ähtimal utandyryjy zatlary" baradaky maglumatlary alyp bilerdi.