Bloomberg-iň žurnalisti Mark Gurmanyň sözlerine görä, Apple öň gadagan edilen Apple Watch Series 9-yň we Apple Watch Ultra 2 -niň satuwyna täzeden başlady. Enjamlary Apple-iň ABŞ-daky bölek satuw dükanlaryndan satyn alyp bilersiňiz we onlaýn satuwlar 29-njy dekabrda gaýtadan ýola goýlar. Bu gadaganlyk ABŞ-nyň Apellýasiýa kazyýeti tarapyndan ýatyryldy. Kazyýetiň kararyna baglylykda, Apple sagatlarynyň agramly bölegini ýanwar aýynda satyp biler we ondanam uzagrak dowam etmegi mümkin. Satuw gadaganlygy 21-nji dekabrdan bäri dowam edýärdi. Ony halkara söwda komissiýasy (ITC) girizdi. Munuň sebäbi, Masimo lukmançylyk kompaniýasynyň gandaky kislorody gözegçilikde saklamak tehnologiýasy bilen baglanyşykly patentleriniň bozulmagydyr. ABŞ-nyň ITC-niň satuw gadagançylygyny haýal etmän täzeden dikeltmegiň zerurdygyny delillendirmäge 10-njy ýanwara çenli wagty bar. Ondan soň kazyýet bu iş boýunça gutarnykly karar çykarar.