Ertir ― 29-njy dekabrda Türkmenistanyň futbol çempionatynyň şu möwsüminiň iň soňky resmi duşuşygy geçiriler. Ýokary liganyň 26-njy tapgyrynyň çägindäki duşuşykda Türkmenbaşy şäheriniň «Şagadamy» «Ahaly» kabul eder. Türkmenistanyň Futbol federasiýasy resmi saýtynda duşuşygyň «Şagadam» stadionynda geçiriljekdigini we onuň gündiz sagat 13:00-da başlanjakdygyny habar berdi. «Ahalyň» möwsümde dördünji orny eýeländigini ýatladýarys. «Şagadam» ertir ýeňiş gazansa, ýedinji orundaky «Energetik» bilen utugyny deňlär. Şeýle ýagdaýda ýedinji ornuň eýesi iki toparyň arasyndaky oýunlara görä kesgitlener.