2023-nji ýylyň 23 — 29-njy dekabry aralygynda Eýran Yslam Respublikasynyň Bajgyran şäherinde Täze ýyl baýramyna degişli harytlaryň we Eýranyň uly bolmadyk kompaniýalarynyň önümleriniň söwda festiwaly geçiriler. Oňa Türkmenistanyň hususy düzümleri hem gatnaşmaga çagyrylýar. Bu barada Eýran Yslam Respublikasynyň Türkmenistandaky ilçihanasynyň metbugat gullugy «Turkmenportala» habar berdi. Ilçihananyň metbugat beýannamasynda bellenilmegine görä, festiwalyň dowamynda täjirler, söwda firmalary we beýleki telekeçiler satuwa çykarylýan önümleri we harytlary amatly bahadan satyn almak bilen bir hatarda, olary öndürijiler bilen gönüden-göni gepleşikleri geçirmäge-de mümkinçilik alarlar. Festiwala gatnaşmak üçin isleg bildirýän taraplar goşmaça maglumatlar üçin Eýran Yslam Respublikasynyň Türkmenistandaky ilçihanasyna ýüz tutup bilerler.