Azerbaýjandan 36 tonna (612000 sany) towuk ýumurtgasynyň birinji tapgyry Russiýa eltildi diýip, RF-niň oba hojalyk boýunça ygtyýarly edarasyna salgylanýan «Edaily.com» neşiri habar berdi. Geçen ýekşenbede Russiýanyň oba hojalyk ministri Dmitriý Patruşew golaý wagtda ýurda Azerbaýjandan we Türkiýeden ýumurtganyň gelip gowuşmagyna garaşylýandygyny habar berdi. Bu Russiýada emele gelen gytlyk sebäpli, towuk ýumurtgasynyň nyrhyny kadalaşdyrmaga mümkinçilik berer diýip, ministr belledi.