19-njy dekabrda futzal boýunça Türkmenistanyň Kubogy ugrundaky bäsleşigiň ýarymfinal duşuşyklary geçirildi. Bu barada TFF-niň resmi saýty habar berýär. Geçirilen duşuşyklarda degişlilikde “Gümrükçi” hem-de “Deňizçi” toparlaryndan üstün çykan “Köpetdag” bilen “Gara altyn” toparlary Kubok bäsleşiginiň aýgytlaýjy duşuşygynda güýç synanyşmaga mümkinçilik aldylar. Futzal boýunça Türkmenistanyň Kubogy ugrundaky bäsleşigiň final duşuşygy ertir, 20-nji dekabrda geçiriler. Türkmen Döwlet sport we bedenterbiýe institutynyň sport toplumynda geçirilýän aýgytlaýjy duşuşyk 14:00-da başlanar.