Data.ai programma seljeriş üpjün edijisiniň soňky maglumatlaryna görä, TikTok 10 milliard dollar girdeji gazanan ilkinji oýun däl ykjam programma boldy. TikTok-yň gysga wideolar programmasynyň işjeň ulanyjysy 2021-nji ýylda her aýda 1 milliard artdy. Apple App Store-da we Google Play -de 10 milliard dollar gazanan platformanyň täze rekordy barada belli boldy. Ondan öň diňe King/Activision Blizzard-iň 12 milliard dollardan gowrak girdeji gazanan Candy Crush Saga-sy, şeýle hem Tencent-iň King of Honour-y, XFLAG/Mixi-iň Monster Strike-y we Supercell-iň Clash of Clans ýaly oýunlary şeýle üstünlikleri bilen öwnüp bilerdi. Hasabatda TikTok-yň 2023-nji ýyla 6,2 milliard dollardan gowrak sarp ediji çykdajylary bilen aýak basandygy we ýylyň dowamynda ýene 3,8 milliard dollar goşup, 61 göterim ösüşi görkezendigi bellenilýär. Data.ai-nyň habaryna görä, bu görkeziji 2022-nji ýyldakydan 15% ýokarydyr. Esasy zat, hasabat diňe TikTok-yň iOS-däki we Google Play-däki sarp edijileriniň çykdajylary öz içine alýar, onda Hytaýdaky üçünji tarap Android programma dükanlarynyň maglumatlary ýok. Ýagny, TikTok -yň hakyky girdejisi hasam ýokary bolup biler. TikTok programmanyň içinde “şaýlyklary” satyp pul gazanýar. Bu ulanyjylaryň platforma üçin sarp edip biljek wirtual pul birligi. Şeýlelik bilen olar mazmuny döredijileri sylaglap ýa-da ony hakyky pula çalşyp bilerler. Şol bir wagtyň özünde, TikTok komissiýa üçin 50% tutýar. Programmada iň meşhur satyn alyş 19,99 dollar bahasy bolan 1321 teňňe. TikTok-yň, mahabat ýaly, beýleki girdeji çeşmeleri data.ai derňewine goşulmady.