Gonkongda ýerleşýän hytaýly AI Guided startap kompaniýasy innowasion enjamy – GUIDi-i hödürledi. Ol körlere kömek etmek üçin niýetlenendir. Täze önüm körleriň ulanýan adaty hasasyny çalyşmak üçin döredildi. Ol daş-töweregimizdäki dünýäni duýmagyň täze usulyny hödürleýär. GUIDi goşa 8 megapiksel kamera we daş-töweregi seljermek üçin elektronika bilen enjamlaşdyrylandyr. Emeli aňly enjam ulanyjynyň ýolunda päsgel berip biljek zatlary ýazga alyp, hakyky wagtda ýagdaýa baha berýär. Ulgam bir päsgelçiligi ýüze çykaran badyna, gyssagly seslenme bloklaryny işjeňleşdirýär. Guşakda ýerleşýän bu bloklar päsgelçiligiň ýerleşýän ugruny görkezip, titremäniň üsti bilen päsgelçilikleri duýdurýar. Mundan başga-da, GUIDi ykjam programma bilen Bluetooth arkaly sinhronlaşýar, ulanyja barmaly ýerini kesgitlemäge mümkinçilik berýär. Guşak ulanyjyny barmaly ýerine ugrukdyrýar we ulanmagy aňsatlaşdyrmak üçin ondaky düwmeler Braýlyň şrifti bilen belgilenen.