Şu gün — 8-nji dekabrda Prezident Serd­ar Berdimuhamedow san­ly ulgam arkaly Türkmenistanyň Ministrler ­Kabinetiniň nobatdaky­ mejlisini geçirdi. «Watan» habarlar gep­leşiginde habar berlişi ýaly, mejlisde milli ykdysadyýetiň pudaklarynda şu ýylyň 11 aýynda alnyp barlan işleriň jemleri jemlenildi, degişli hasabatlar diňlenildi, şeýle-de ýurdy durmuş-ykdysady taýdan ösdürmegiň möhüm wezipeleri ara alnyp maslahatlaşyldy. Hökümet mejlisinde, ilk­i bilen, Türkmenistanyň Mejlisiniň Baş­lygy D.Gulmanowa söz ­berildi. Ol şu ýylyň 11 aýynda milli parlament tarapyndan ýurduň kanunçylyk binýadyny pugtalandyrmak boýunça ýerine ýetirilen işleriň netijeleri barada maglumat berdi. Bellenilişi ýaly, hasabat döwründe 5 maslahat geçirildi. Olaryň barşynda Türkmenistanyň Kanunlarynyň 49-sy we Mejlisiň kararlarynyň 51-si kabul edildi. Şolaryň hatarynda Konstitusion kanunlaryň 3-si, şeýle hem «Türkmenistanyň Mejlisi hakynda», «Arkadag şäheri hakynda», «Türkmenistanyň 2024-nji ýyl üçin Döwlet býujeti hakynda», «Integral mikroshemalaryň topologiýalarynyň hukuk goragy hakynda» Türkmenistanyň Kanunlary hem-de halkara konwensiýalara goşulmak hakynda kanunlaryň birnäçesi, Türkmenistanyň käbir kanunlaryna üýtgetmeleri we goşmaçalary girizmek hakyndaky kanunlar bar. Şeýle-de Mejlisde döredilen iş toparlary tarapyndan birnäçe kanunlaryň taslamalaryny, hususan-da, Raýat kodeksiniň täze beýanynyň, energiýany tygşytlamak we energiýadan netijeli peýdalanmak, gidrometeorologiýa işi hakyndaky hukuk namalarynyň taslamalaryny taýýarlamak işiniň dowam etdirilýändigi barada hem aýdyldy. Prezident Serdar Berdimuhamedow ýurduň kanunçylygyny mundan beýläk-de kämilleşdirmegiň wajypdygyny belledi. Bu işleri ýerine ýetirmekde öňdebaryjy halkara tejribeden ugur almagyň wajypdygyna aýratyn üns çekildi. Soňra wise-premýerler­ hem-de Türkmenistanyň Ministrler Ka­binetiniň ýanyndaky U­lag we kommunikasiýal­ar agentliginiň Baş d­irektory gözegçilik e­dýän düzümlerinde şu ýylyň 11 aýynda aln­yp barlan işler, olaryň netijeleri, şol sanda milli ykdysadyýetiň makroykdysady görkezijileri, pu­daklary mundan beýläk­-de ösdürmek ugrunda durmuşa geçirilýän çä­reler, ozal berlen tabşyryklaryň ýerine ýe­tirilişi, degişli ugurlar boýunça öňde boljak­ çäreler, olara görülýän taýýarlyk işleri barad­a hasabatlary berdile­r. Prezident Serdar Berd­imuhamedow hasabatlar­y diňläp, ýurduň dürl­i toplumlarynda, mill­i ykdysadyýetiň pudak­larynda alnyp barylýa­n işler, halkara gatn­aşyklar, öňde boljak ­çäreler, şol sanda baýramçylyk dabaralary, pudaklary mu­ndan beýläk-de ösdürm­ek ugrundaky wezipele­r bilen baglylykda, d­egişli ýolbaşçylara a­nyk tabşyryklarydyr g­örkezmeleri berdi. Döwlet Baştutany mejlise gatnaşyjylara ýüzlenip, şu ýylyň 11 aýynda alnyp barlan işleriň netijeleriniň Garaşsyz, Bitarap Türkmenistanyň uly üstünliklere eýe bolýandygyny aýdyň görkezýändigini kanagatlanma bilen belledi. Prezident Serdar Berdimuhamedow ýylyň tamamlanmagyna az wagtyň galandygyny belledi. Şoňa görä-de, şu ýyly gowy netijeler bilen jemläp, täze, 2024-nji ýyly mynasyp garşylamak üçin degişli işleri alyp barmagyň zerurdygy nygtaldy.