şu gün türkmen halkyn­yň Milli Lideri, Türk­menistanyň Halk Masla­hatynyň Başlygy, Horm­atly il ýaşulusy Gurb­anguly Berdimuhamedow­ Arkadag şä­herine iş saparyny am­ala aşyrdy. «Watan» habarlar gepleşiginde habar berilmegine görä, Türkmenistanyň Halk Maslahatynyň Başlygyna Arkadag şäheriniň futbol klubunyň türgenleri üçin niýetlenen sport lybaslarynyň görnüşleri görkezildi. Türkmen halkyn­yň Milli Lideri sport lybaslarynyň ýakymlylyk derejesiniň, olaryň taýýarlanylyşynyň häzirki zaman görkezijilerine doly laýyk gelmelidigini, şunda sport lybaslarynyň reňk taýdan sazlaşygyna möhüm ähmiýet berilmelidigini belledi. Şeýle-de lybaslaryň ýazgylarynyň, olara ornaşdyrylýan şekilleriň many taýdan Berkarar döwletiň täze eýýamynyň Galkynyşy döwrüniň ruhuna doly kybap gelmelidigi bellenildi. Halk Masla­hatynyň Başlygy Arkadag şäheriniň futbol toparynyň sport lybaslarynyň taýýarlanylyşynyň ýokary derejede bolmalydygyny aýdyp, bu babatda birnäçe tabşyryklary berdi.