«Lasionyň» hüjümçisi Çiro Immobile Çempionlar ligasynyň bäşinji oýun hepdesiniň iň gowy oýunçysy hökmünde saýlandy diýip, UEFA-nyň web sahypasynda habar berilýär. Italiýaly hüjümçi 2:0 hasabynda tamamlanan Şotlandiýanyň «Seltik» toparyna garşy oýunda dubl bilen tapawutlandy. Immobile duşuşygyň 82-nji we 85-nji minutlarynda pökgini derwezä saldy. Şeýle hem beýleki dalaşgärleriň hatarynda «Galatasaraýyň» ýarymgoragçysy Hakim Ziýeş, «Mançester Sitiniň» ýarymgoragçysy Fil Foden we «Benfikanyň» ýarym goragçysy Žoau Mariu bar. Mariu «Inter» bilen geçirilen oýunda (3:3) het-trik amala aşyrdy. Foden «Leýpsige» garşy duşuşykda bir pökgi geçirdi we iki ýardam pasyny berdi. Ziýeş «Mançester Ýunaýted» bilen oýunda (3:3) bir pökgi geçirdi. Çempionlar ligasyndaky ilkinji dört oýun hepdesiniň netijelerine görä, «Portunyň» ýarymgoragçysy Galeno, «Atletikonyň» hüjümçisi Alwaro Morata, «Portunyň» hüjümçisi Ewanilson we «Tottenhemiň» hüjümçisi Son Hyn Min iň gowy oýunçy diýlip ykrar edildi.