The Time žurnaly 2023-nji ýylyň iň oňat wideo oýunlarynyň onusyny görkezdi. Reýtingiň awtorlary Alan Wake II-ni ýylyň iň gowy oýny diýip atlandyrdylar. Bu oýun üçünji şahsyň survival-horror (iňl. elhençlikde aman galmak) žanryna degişli. Onda ýarag we elçyrany ulanyp, duşmanlara garşy göreşip bolýar we iki oýunçynyň - Ueýkiň we Andersonyň duran ornundan dürli ýerleri öwrenip bilersiňiz. Ikinji orunda Baldur’s Gate 3 durýar. Bu Belgiýanyň Larian Studios kompaniýasy tarapyndan işlenip düzülen we neşir edilen kompýuterde keşplere girip oýnalýan oýun. Baldur’s Gate 3 Baldur’s Gate seriýasynyň dowamy, ondaky wakalar hyýaly Forgotten Realms äleminde bolup geçýär. Şeýle hem ilkinji onluga Nintendo Switch The Legend of Zelda: Tears of the Kingdom, Resident Evil 4, Dead Space, Super Mario Bros. Wonder, Star Wars Jedi: Survivor, Diablo IV we Dredge girdi.