2023-nji ýylyň noýabr aýy dünýä gözegçilikleriniň taryhynda iň yssy noýabr, howanyň ortaça temperaturasy +14,22 dereje boldy. Bu barada Copernicus howanyň üýtgemegi gullugyna salgylanýan FOBOS howa merkezi habar berdi. Ýewropanyň orta gyssagly howa çaklamalary merkezi tarapyndan döredilen Copernicus (C3S) howanyň üýtgemegi gullugy howanyň we deňziň ählumumy ýerüsti temperaturasynda, deňiz buz örtüginde we gidrologiki üýtgeýjilerde gözegçilik edilýän üýtgeşmeler barada habar berýän aýlyk howa býulletenlerini yzygiderli çap edýär. Olaryň berýän maglumatlaryna görä, 2023-nji ýylyň noýabr aýy 1991–2020-nji ýylyň noýabr görkezijilerinden 0,85 dereje, geçen iň yssy noýabr aýyndan - 2020-nji ýylyňkydan 0,32 dereje ýokary boldy. Şeýle hem gözlegçiler Arktikadaky deňiz buzunyň uzaklygynyň noýabr aýy üçin iň pes sekizinji derejä ýetendigini anykladylar.