Türkmenistanyň Senagat we gurluşyk önümçiligi ministrliginiň Türkmenabat şäherindäki «Demirbetonönümleri» kärhanasy dürli görnüşli gurluşyk serişdelerini we agaçdan taýýarlanan önümleri öndürýär. Bu ýerde keramiki kerpiçler, gurluşyk we söwda maksatly beton öndürilýär. Kärhananyň agajy gaýtadan işleýän sehinde sargyt esasynda aşhanalar we ýaşaýyş jaýlary üçin tebigy agaçdan dürli mebel önümleri, dükanlar üçin tekjeler, egin-eşikler üçin asgyçlar, agaçdan merdiwanlar we germewler taýýarlanylýar. «Demirbetonönümleri» kärhanasy önümçiligini yzygiderli ösdürýär hem-de Lebap welaýatyndaky we ýurduň beýleki sebitlerindäki gurluşyklarda giňden peýdalanylýan önümleriniň görnüşlerini artdyrýar. Şol bir wagtyň özünde, kärhana önümlerini daşary ýurtlara ibermegi maksat edinýär. Habarlaşmak üçin maglumatlar: salgysy: Lebap welaýaty, Türkmenabat ş., 2-nji senagat zolagynyň çägi. telefonlar: (+993 422) 7 98 22, (+993 422) 7 98 21, (+993 422) 7 98 68. faks: (+993 422) 7 98 22.