Hindistanyň uçuran Aditya-L1 Güni öwreniş awtomatiki kosmos stansiýasy Gün ýelini öwrenip başlady. Hindi kosmos gözleg guramasynyň (ISRO) berýän habaryna görä, stansiýada Gün ýeliniň ion spektrometri (SWIS) işe başlady. ISRO X (ozalky Twitter) sosial ulgamyndaky sahypasynda: "Gün ýeliniň ion spektrometri, Gün ýeliniň tozlary boýunça synagyň Aditya-L1-e (Aditya Solar Wind Particle Experiment, ASPEX) ýüklenýän peýdaly ikinji guraly, işleýär" - diýip ýazýar. Bu maglumata görä, Gün ýelini öwrenmek üçin synagda iki gural ulanylýar: SWIS we STEPS (supratermal we ýokary energiýa bölejikleriň spektrometri). ISRO-nyň berýän maglumatyna görä, STEPS 10-njy sentýabrda işe başlady we şenbe güni bolsa SWIS işjeňleşdirildi. Şeýlelik bilen, Gün ýelini öwrenýän gurallarynyň ikisi hem işleýär. Respublikanyň kosmos bölüminiň görkezişi ýaly, olaryň işleýşi kadaly. Enjam 2-nji sentýabrda işe girizildi. 2024-nji ýylyň ýanwar aýynda Ýerden takmynan 1,5 million km uzaklykda Gün-Ýer ulgamynyň Lagrang nokadynyň (L1 nokady) sebitindäki galo-orbitasyna çykarylmagy meýilleşdirilýär.